23.9.17

Sugilite.舒俱徠

嘿嘿嘿,又係舒仔?呢粒都係幫人買。不是我的啦。

事緣老豆見老母戴舒仔後舒緩了身體的痛楚,於是叫老母讓出其舒仔畀佢戴喎,老母當然不肯啦,於理不合嘛。而且,我買畀老母,係用來舒緩佢14年電療後皮膚的乾痛以及切去腋下淋巴後腫痛,無理由讓出戴得好好的石頭。於是,星期四那晚,老母叫我去買粒大大件畀老豆喎。當然,老豆自費。

咁,趁假期,咪又去店買搵舒仔囉。

咪講笑,如果我之前送佢的不是翡翠無事牌而是這粒石頭,可能早就嫌棄喇。正如老母都把東菱玉擱在一邊啦。






件石有少少玉化,我都好滿意。


22.9.17

Hypersthene.紫蘇輝

話唔買唔買,點之老闆把這個新貨抖到檯面,我又被吸住,乖乖奉銀。

超級靚的紫蘇輝啊!兩邊都好大片眩光又好閃!正。




21.9.17

SENSE

鐵板上,滋滋聲,正!


剪個冬菇頭

因為只係想修剪一下頭髮,Salon 的總是剪不出滿意的髮型,次次講「唔好碎尾」,D髮型師都話「唔好睇」,結果剪下剪下又碎上,每朝早上起身照鏡睇到不柔順的髮尾炸開就忟。所以呢次去了一間上海理髮店度搞,總之要齊腳。哈哈。童叟無欺。

見焗油都係六草搞掂,於是做埋啦。好好笑,個罩闔到眼眉,全程蒸髮兼蒸埋面。正。

最好係,呢度師傅專心剪髮,不會撩你吹埋D無聊又無謂的水。

下次再去。



神奇的事不得不記下,就係剪完髮,竟然無乜髮碎黐在臉上頸上。真係好奇妙。哈哈,於是我剪完個頭都唔使搵個廁所洗面執頭髮,哈哈哈。

20.9.17

醉雞米

偉晴街的甜品店易手,變了鄉土麵食。這是醉雞米粉。好味。


KLAR Soap

因為舊同事份新工係要在駐留德國,加上佢太太做埋代買,正好我所以就托其買些德國名物啦。

喜歡用番梘當然少不了睇睇德國有什麼老牌梘啦,這 KLAR 有百七年歷史喇!在網頁見到這個玫瑰梘,當然要要要買。哈哈哈。因為代購嘛,咪買多一件囉。

當然,其中一件送了出去喇。好東西梗係同朋友仔分享啦。



19.9.17

《意義的呼喚》.26/17

17/09/2017。

水晶店老闆說南方朔推薦的書或寫序的書必定是好書嘛,所以買了這本自傳。嘿嘿,這位維克多.法蘭可 Viktor Frankl 其實就是《活出意義來》的作者,亦是強調人應活出其生命意義〔非尋找「生命」意義〕,是世界三大心理治療學派其中一位始創人。〔另兩位係阿德勒和佛洛伊德〕

他以風趣的筆觸記下他大半生的經歷,如跟阿德勒和佛洛伊德的千絲萬縷的關係,家族背景,父母的事,溝女的方法,跟奧地利的愛,當醫生時的特別片段,當然少不了他入集中營的點滴。

如果未曾看過他的書,或知他背景的,可能睇到迷惑感悶,不過這真是一本值得推介的書。


彼得石.Pietersite

估不到店子有彼得仔賣,棕黃色款,價格相宜到難以置信,一條手鏈只係HK$150〔出面郁下賣到過千喇〕,咁一串又會計平D。我唔知店主計我幾平啊,不過做頸鏈或腰鏈效果實好過手鏈,所以我就即刻改變初衷,決定整多條腰鏈戴囉。

此石有去病氣,正五臟六腑的功效,屬好用的能量石之一,所以好適合戴上身啊。


排下毒啦,呢期唔知係內毒丫,定有D護膚化妝品唔適合我,不停爆瘡耶。或說,今年年頭開始都沒間斷地爆瘡,發炎含膿都幾次…內分泌系統免疫系統弱吧。

18.9.17

華康的茄片飯

從電影中心走出來,想吃鮮茄飯,就入了附近的華康。好味。


Sugilite.舒俱徠

話說早前得知朋友身體「唔舒服」,於是趁假日就去舖搵粒舒仔畀朋友戴。是正念加吸引力法則回應了我的「動念」,就如前文所說,那天去到油麻地推門入去時,見到店內正選購晶石中的女士就是上回教我亦幫我揀舒俱徠的高人,哈哈哈。好奇妙呀!於是即席再請教高人在一袋幾百件件件不同的舒仔石件度揀一件合適的舒好給朋友緩減身體的問題最好。嗯嗯,是啊,這是高手揀的款,放上手感覺能量都很強。

石已寄到朋友度喇,不過真唔知佢會不會戴。這個我理唔到喇,無理由 force 人家戴嘛。

無論點,都希望佢身體健康啊。



話說起來,老母戴住早前高人幫我揀畀老母的那粒舒仔,老母話佢腋下的傷口位無再痛了〔14年佢手術切去了一邊腋下的淋巴,反覆都水腫,又癢又痛〕。

所以嘛,想買舒仔畀朋友又遇到高人〔我都現在都不知其名字〕,真係幸運。

17.9.17

巴打廳

上次見人吃豬扒,滿滿的蔥太吸引喇,所以呢次我都點了一客,配酸辣米線。小吃就腐皮,好味。




Pink Calcite.粉方解

這件粉方解散出 aura 的光,所以買了。



16.9.17

POM's

和朋友相約星期三下午去水晶店濕平,因為有朋友收5點,咁預都係預3半後到店,咁我先去 POM'S 咬個午餐先。

多久沒吃 all day?真係久違了味。哈哈。


Jasper.碧玉

這粒 Jasper 好搞笑,成粒間條南瓜子咁。其實買了很久很久,一直無拍照咋。

…其實有無拍照呢?



15.9.17

五右衛門

朋友突然邀約,屯門食,咁不如去洋麵屋.五右衛門食日式西餐。兩個人吃了個二人套,有湯有前菜有主食有飲品,仲可以半價加甜品。真係好癲。不過店轉了餐牌,我喜歡以前半份薄餅加半份意粉的套餐,一次滿足兩個願望嘛。


炸雞!


主菜我們一人一個鐵板豬,哈哈,無拍照喎。不過,這個甜品真係正。抹茶雪糕下邊有抹茶凍同埋香蕉。真係…肥。呢個甜品半價嘛,HK$20。哈哈哈哈哈。


朋友都幾滿意這間,下次食飯可再考慮。因為屯市真係無咩選擇囉。

Twinings Peach Tea

這個 cold brewed iced tea 係朋友在 iHerb 度訂回來畀我試。又幾特別。中文叫冷泡茶吧。


紫髮晶.S7

見到呢件得三四條毛的紫髮,因為太清,所以照買啦。好靚。

裡面粒內含物似杞子,好搞笑。



14.9.17

Mr. Steak

和朋友三條女去食食食,Mr. Steak 有半自助晚飯,可能出面落雷雨啦,食尾圍不用等位喎。咁我地真係高高興興地食了個幾兩粒鐘。

前菜和甜品不限次數任食,因為好味,所以吃完一樣又一樣,一碟又一碟。竟然吃飽了。嘩哈哈哈哈。


Main Course 我們點了雞,帆立貝意粉及豬手。。結果,我們即場只吃到件豬手。其餘兩碟要打包拎走。




拎拎下,我發現我已有3支叉,真係有叉用喇。哈哈哈。


帶走的兩份主菜,跟朋友一人一半,於是星期一個午餐,非常豐富好味。


真係~

本來想粥底火鍋,不過滿座。咁,我們下次再瘋過啦。

白松石.Howlite

呢條白松,size 係咪好奇怪呢?哈哈。相信都好難估到係咩。


這條係腳鏈,我專用,tailor made ,店主在舖內幫我整的。不是戴在腳眼位,而係膝頭同腳肚中間,所以就有此長度的鏈喇。

白松對骨好,而且也有袪水減肥之效。本來我骨頭都成日整傷扭傷,加上右腳手術後一直都易水腫,加上人都腫,所以高人就叫我戴這個啦。咁,我本來都有一串白松手鏈及一件擺件放床丫嘛,左手手鏈,右腳腳鏈戴住睡覺,就形成一個對流運行全身。嗯嗯。

白松石真係好靚啦 ~

13.9.17

奇皮南乳豬手

豬皮咁樣樣?腍,不過都係深水埔那間茶記好食好多。



石榴和黑碧璽

高人除了叫我用粉晶水洗面,還叫我整條紅石榴腰鏈配戴,咁佢用掌掃一陣,提議鏈加黑碧璽。於是,一條石榴和黑碧璽間住穿的腰鏈就在店裡穿成。

手拎起好重咖,不過當皮帶穿,重量均分了,就唔覺其重量喇。而且完全唔覺箍住個肚,正啦。

朋友問我價位…呢層,哈哈,呢條過千銀啦。因為需要2條半石榴石加黑碧璽才穿成。真係有肥腰連錢都用多D呀呢次!

水晶其實唔以日長戴,不過新試的話,先早晚戴足感受效果先。試了幾天,其實石榴石好熱,長時間圍在下腹位置,肚腩同下腹位都熱烘烘的,好似剛做了艾灸咁〔廿四小時發熱〕。怪不得石榴石係女人恩物啦,長期暖住個肚至子宮位真係好重要呀!

尤其係我呢類血氣唔好,又常飲凍飲,睡眠不足,皮膚差的港女。哈哈。

感謝高人的教導。


12.9.17

粉晶.Rose Quartz

去水晶店又遇上貴人!想買粒舒俱徠吊墜送畀朋友,於是落油麻地啦,推門時見到店內正選購中的女士就是上回教我揀舒俱徠的高人,哈哈哈,真係正念得回應喇。當然請教高人買什麼式樣顏色的舒好啦。嗯嗯,舒仔哩,下次再講。

先講呢兩粒粉晶。

這陣子睡眠不足,抵抗力差加我手多多成日搓面,瘡爆不停,而且結痂後紅印又唔褪色,八陣圖咁喇。於是高人揀了兩件粉晶畀我,叫我返屋企浸一晚,翌日晚用那些水來洗面。持續一星期已看到效果。持之以恆就最好啦。

哈哈,想有芙蓉面色,會努力做。

石是佢幫我揀,所以我都無轉,就買這一對。



之前想整 detox drinks 而買的樽,現在大派用場喇!哈哈,兩件水晶剛好可一孖放在樽底。fit 哂!


gogogo。

11.9.17

椰水

之前去導師屋企上 crystal healing ,在每次 treatment section 一完,就不停叫我們飲水。飲的不是清水,而係以 coconut water 代水。又真係好味喎。咁哩,趁 Ztore 有成箱成箱賣,我都訂一箱先。


桔普

在士多網頁訂食物,罐罐控表示見到這個桔普包裝好得,紅罐黑罐我揀了紅罐。搵日泡來試先。

哈哈,前年放在家那兩粒桔普都未泡。哈哈哈。




茶作官網: www.teaedtea.com/zh/