31.5.17

大葉榕

一睇葉子的顏色,就知係初換葉時拍落的啦。








靚到爆。

花店的傲嬌貓

勁多人圍在前面舉機拍佢呀,威到哩!當然,佢係要揀坐在百花簇擁的舞台中央擠出冷冷的表情,絕對係傲嬌的貓啦。





哈哈。

佢有個人面書專頁咖,把第一張圖 CLICK 大就會見到專頁的名字。哈哈。

30.5.17

貓仔仔

這間店好多貓仔啊,其實目測已不止三隻啦。店主還在逗緊貓B們,好羨慕呀。



Mr and Ms Burger

月前的事,懶著懶著就拖到現在才出。




29.5.17

病都要溫書

記 terms,頭冒煙。


電器店貓

八卦樣好可愛啦。



28.5.17

冷糕

常常經過去附近的茶記咖,這天行過竟見到有曾失傳過又被追擊過的冷糕賣!這小吃不可當飯食,於是我咬完下午茶後再回到這店〔藥材店〕排隊買冷糕啦。

新鮮熱辣!裡面的椰絲砂糖芝麻等都好好味。正。




吃嫩竹葉的貓

有位太太跟我說,這貓很愛吃店外種的竹,可是只咬嫩竹葉。嘴刁,很會挑。哈哈。


27.5.17

C1

溫書係需要靜又舒服又可任坐的地方,於是去了 C1。這天係老母節,更靜。

呢日都係食 Pancakes ,不吃甜,吃炒蛋和炒菇。好味。



海景.貨輪

這邊見到大貨船離開的機會不多,比珀麗的樓宇還要巨的貨輪,如龐然巨物咁在海上移動,忍不住拍照。


26.5.17

髮貓。

這是舊式理髮店的貓。唔知佢搞乜。



麥奀豬

睇戲前得少少空檔,心水的快餐店都好爆,見麥奀有位,於是入去啦。對比上回在SSP茶記食的,這個明顯地唔夠腍唔夠膠。


25.5.17

MLC

咳成晚,完全無力返工。補眠到十點幾十一點,精神好點,起身梳洗等去下午輪診所睇醫生。

診所在尖東。

可能係星期二,診所無咁爆,我三點後到未到四點就拎藥走得。晚上因為要返學,所以在附近搵間咖啡店坐兼食 late lunch。

去了加連威老的 My Little Coffee。



病都要溫書。

Amber.琥珀

畀了老豆。呢次唔會咁易爆吧。

聽講呀,隻白松石戒指爆了,聽到都赤。




24.5.17

火鍋去

上星期紉阿花聚會,在屯市中心想搵間可坐耐D,但食物水準唔差的地方已無乜,加上我還在咳,在想來想去都想不到之下,話不如去酒樓食飯算喇。

結果,係摵起條根,豁出去,食自助火鍋。哈哈。非常時期用非常方法嘛。

百六元左右,兩粒半鐘,任食,抵丫。


家訪

復活節假的第二天,去了探舊同學的媽媽。唔知佢同佢媽講咩我喇,有日佢話佢媽想見下我,我又好耐無見過這位好媽媽,所以就好呀。原本係除夕見,點知發生了意外,拖下拖下,這次聚會,幾個月後終於夾到時間。

同學仔媽媽是越南裔,煮得一手正宗越南菜。聚會前一天已在準備!竟煮了這大煲咖哩雞。我上到去見到都嚇了一大跳。裡面有三隻雞〔!〕啦,洋蔥,番薯和薯仔,味道好濃,辣度對唔食得好辣的我來講還受到。原來咁樣拌檬粉堅好味啦。〔我只識拌靚仔抽拌意粉拌薄餅咋〕

吃了好多好多。

除了這煲咖哩雞,之後還有大大煲足料南瓜西米糖水,真係好飽。

多謝招待。


之後,和朋友仔一大兩細去了逛反斗城啦。臨分別,跟哥哥講好,如果佢晚上會乖乖溫書那我會同佢去食雪糕火鍋。一定九鼎,佢做到啦!

跟同學仔約定六月去哈根大師度食火鍋。〔我咳兼5月尾要考試又要做功課〕

下次見。

舒俱萊.Sugilite

這是買畀老母的。百多元。

唔知佢幾時才戴到第二幅圖的顏色〔顯色〕。哈哈。當然要有恆心戴囉。


在燈光下,很像星球。


23.5.17

ICONIC

在老銅試了這間熱狗,仲要食 evil cheese 〔辣〕加 芝士薯條。好味。


個玫瑰花茶雖然用茶包,但份量看來足夠泡一壺有多啦。



白晶激光柱

那天帶花去油麻地買水晶,我順手執了三條激光柱。兩條留用,一條當日送了畀阿花。

第一條:





另一條:


當然有教阿花點用它啦。

22.5.17

陳皮

感謝阿花畀左咁多紅皮我啊。可以煲好多杯陳皮水喇。

係啊,紅皮先有療效咖。


紫黃晶.Ametrine

好好笑,早早約了璽爾上去買老母節/老豆日的禮物。到店竟然見到茶會的朋友仔在放血。咁我倆梗係互相做魔鬼鼓勵放血啦。左摸右摸,佢發現到這粒紫黃晶彌勒佛好正!嗯,係喎,既好好笑容,粒石都好飽滿。唔貴啦,百幾咋。朋友仔唔買,咁我就買了回去。後來送了畀老母喇。

唔好誤會我 cheap ,其實我都好喜歡,好想留給自己囉。

好啦,睇下有無機會再遇到啦。