30.9.17

Himalayan Quartz.冰晶

當然,這串石早出現過這個BLOG,不過大頭蝦一直唔記得獨立介紹。

係呀,那時見老闆有冰晶擺件賣,就拜託老闆幫我找條手鏈啦。很美的一串鏈啊,而且還有彩虹哩。


29.9.17

Gukoroku

套戲無之前《怒》咁震撼,而且戲中不少犯駁位令我感到電影幾爛下。

唔…都係講人性的陰暗面囉。人生,真係好苦。



背負咁多家庭問題及創傷,兄妹倆仍都讀到書入到大學而且一個仲可以獲得一份穩定的職業,係咪難以想像地不合理?

Tiffany Stone

唔知呢隻石的中文名,但英文就叫佢 Tiffany Stone ,當然同發明925銀做首飾的名店無關係啦。應該無啩。哈哈。

好有趣的石,像一顆顆星球。以此為記啦,因為老闆話石頭的色澤會變哩!


28.9.17

玫瑰~我愛你

又係護膚品補貨時間。因為要買2 lite 純露,就順便在 EROS 買埋 Serum 和 day cream 啦。

日霜我揀了呢隻,Florihana 3 Roses Organic Face Cream ,折實HK$150。

搽上面,係有種好爽好吸收的感覺,喜歡。


Serum 買保加利亞皇牌 Alteya Organics Rose Otto Face Serum ,折實HK$314。去某本地濕平網頁睇,賣緊HK$600一瓶,真係黐黐地。

lucky me ~

個油搽上面唔笠黐黐,又唔稀到水咁,皮膚覺得舒服,之後上妝都無問題,正。



真係要認真研究下再補貨時要不要買哂成呢兩隻牌子成條line。哈哈哈。

Rhodochrosite.紅紋

一直嘗試 push 下自己的紅鸞運,所以都會留意有無心水的紅紋石。那天在店閒便問老闆娘可唔可以睇一下紅紋吊墜呀,咁,於是在整盤紅紋吊墜度我第一眼就發現呢粒朝住我閃緊。咁就以「閃光價」帶了佢走喇。


上圖係燈光,下圖係日光,日光色為準。




正正子~

27.9.17

蘇打仔.Sodalite

藍控人穿了一條方納石〔蘇打石的另一名稱〕,不過那天返工被人 chur 到無哂 mood ,都係擺埋一邊,放假至戴好喇。

藍控表示無奈。


Prehnite.葡萄石

朋友在揀石期間對老闆娘講「聽講你戴四條腰鏈喎」於是老闆娘就抽起衫邊展示其四條腰鏈。哈哈,當佢介紹其中一條係葡萄石時,我問有咩作用啦,佢話對肝好呀,肝有事戴佢也好。咁,我即時話要整條葡萄石手鏈送畀一位肝有「少少扭計」的朋友,咁,其實我肝都唔多好,長期睡眠不足,於是我又整一條畀自己傍身。哈哈,於是帶了兩條葡萄仔走喇。

呢條係我用,大珠。阿花同老闆娘一齊幫我從幾條中選出的。好水潤,靚到真係好葡萄囉。


細DD珠一條畀了細粒朋友啦,佢好喜歡啊。希望佢身體健康。一定要。

26.9.17

Amethyst.骨幹紫晶

上月見老闆入左批靚靚贊比亞骨幹紫晶,所以都搶了一件靚靚。內裡仲有個好清晰的金字塔咖,搵日打燈拍一拍分享先。

拎上手果然好奇妙啦。






Verdelite.貓眼綠碧璽

Green Tourmaline。

星期五去上堂,課後當然唔走住,要搞下老闆D石頭啦,黃澳寶,紫龍晶,梅花碧璽都係新返的貨。哈哈,老闆突然掏出幾條綠碧璽,咁哩,之前嗌哂要買卻一直未買到綠碧的我當然要帶一條走啦。超靚啊。

雖然細珠,不過老闆上次到今次都話好難入手,所以我梗係照要啦。

Yo ~ 心頭好 get!






25.9.17

Snoopy

這個 Silicone Card Case 如何?

其實哩,我人生第一隻公仔係 Melody ,真心喜歡的第一隻動物係史路比比和胡士托托囉。

這陣子又被史路比比吸引了,咁個八達通套又爆又甩色,就換了這個啦。


迪迪尼之約

朋友S在機管局做,有個迪迪尼 fun day 兼抽到有飛,於是嗌埋我跟A一齊去玩一日。哈哈,幾年無見,各人的生命都出過變動,在未來的日子,真要好好的愛自己。

誰不想朋友可一世不變,我都唔好懶,努力維繫朋友網先。

呢個熊谷第一次來,好有趣啊。





我唔玩得呢D,朋友明白無迫我上車。不過睇住朋友玩都好開心。哈哈。


這天有雷雨幾回,晚上大雨到連煙花及巡遊都取消了。在大雨中離開樂園行去MTR,真係難忘。

24.9.17

虎眼.Tiger' eye

明明離開了店,可是在櫥窗度睇到呢粒虎眼在召喚我,於是回店畀錢帶走。HK$20。哈哈。






堅靚。

23.9.17

Sugilite.舒俱徠

嘿嘿嘿,又係舒仔?呢粒都係幫人買。不是我的啦。

事緣老豆見老母戴舒仔後舒緩了身體的痛楚,於是叫老母讓出其舒仔畀佢戴喎,老母當然不肯啦,於理不合嘛。而且,我買畀老母,係用來舒緩佢14年電療後皮膚的乾痛以及切去腋下淋巴後腫痛,無理由讓出戴得好好的石頭。於是,星期四那晚,老母叫我去買粒大大件畀老豆喎。當然,老豆自費。

咁,趁假期,咪又去店買搵舒仔囉。

咪講笑,如果我之前送佢的不是翡翠無事牌而是這粒石頭,可能早就嫌棄喇。正如老母都把東菱玉擱在一邊啦。






件石有少少玉化,我都好滿意。


22.9.17

Hypersthene.紫蘇輝

話唔買唔買,點之老闆把這個新貨抖到檯面,我又被吸住,乖乖奉銀。

超級靚的紫蘇輝啊!兩邊都好大片眩光又好閃!正。




21.9.17

SENSE

鐵板上,滋滋聲,正!


剪個冬菇頭

因為只係想修剪一下頭髮,Salon 的總是剪不出滿意的髮型,次次講「唔好碎尾」,D髮型師都話「唔好睇」,結果剪下剪下又碎上,每朝早上起身照鏡睇到不柔順的髮尾炸開就忟。所以呢次去了一間上海理髮店度搞,總之要齊腳。哈哈。童叟無欺。

見焗油都係六草搞掂,於是做埋啦。好好笑,個罩闔到眼眉,全程蒸髮兼蒸埋面。正。

最好係,呢度師傅專心剪髮,不會撩你吹埋D無聊又無謂的水。

下次再去。



神奇的事不得不記下,就係剪完髮,竟然無乜髮碎黐在臉上頸上。真係好奇妙。哈哈,於是我剪完個頭都唔使搵個廁所洗面執頭髮,哈哈哈。

20.9.17

醉雞米

偉晴街的甜品店易手,變了鄉土麵食。這是醉雞米粉。好味。


KLAR Soap

因為舊同事份新工係要在駐留德國,加上佢太太做埋代買,正好我所以就托其買些德國名物啦。

喜歡用番梘當然少不了睇睇德國有什麼老牌梘啦,這 KLAR 有百七年歷史喇!在網頁見到這個玫瑰梘,當然要要要買。哈哈哈。因為代購嘛,咪買多一件囉。

當然,其中一件送了出去喇。好東西梗係同朋友仔分享啦。



19.9.17

《意義的呼喚》.26/17

17/09/2017。

水晶店老闆說南方朔推薦的書或寫序的書必定是好書嘛,所以買了這本自傳。嘿嘿,這位維克多.法蘭可 Viktor Frankl 其實就是《活出意義來》的作者,亦是強調人應活出其生命意義〔非尋找「生命」意義〕,是世界三大心理治療學派其中一位始創人。〔另兩位係阿德勒和佛洛伊德〕

他以風趣的筆觸記下他大半生的經歷,如跟阿德勒和佛洛伊德的千絲萬縷的關係,家族背景,父母的事,溝女的方法,跟奧地利的愛,當醫生時的特別片段,當然少不了他入集中營的點滴。

如果未曾看過他的書,或知他背景的,可能睇到迷惑感悶,不過這真是一本值得推介的書。


彼得石.Pietersite

估不到店子有彼得仔賣,棕黃色款,價格相宜到難以置信,一條手鏈只係HK$150〔出面郁下賣到過千喇〕,咁一串又會計平D。我唔知店主計我幾平啊,不過做頸鏈或腰鏈效果實好過手鏈,所以我就即刻改變初衷,決定整多條腰鏈戴囉。

此石有去病氣,正五臟六腑的功效,屬好用的能量石之一,所以好適合戴上身啊。


排下毒啦,呢期唔知係內毒丫,定有D護膚化妝品唔適合我,不停爆瘡耶。或說,今年年頭開始都沒間斷地爆瘡,發炎含膿都幾次…內分泌系統免疫系統弱吧。