Gold Azeztulite．阿賽斯特萊石

這是一粒很美的 Gold Azeztulite。 是一位新朋友送贈。

有天店主開班「淺談水晶」，夠五人就開得成，whatsapp group 度都幾個舉手，包括我啦梗係。咁我茶 group 個朋友仔又得，於是那晚共有八個人上，湊巧六個都係學 / 涉足能量，一個儲緊石準備學能量，咁樣上堂堅開心。由於佔大部份都在谷度吹過水也搶過石，所以這晚即使係要坐定定聽店主介紹礦石，我們還是你一句我一句聊得好盡興。「哎，呢隻石我有！」此起彼落。哈哈，話哂大家都係玩石頭嘛，唔計家中，身上總有戴住一些石頭啦。哈哈。

店子大，店主走來走去拎石幾回後，索性大家起身「導賞團」，看店主介紹店中不同的礦石。

之後，其中一位常到店買石的朋友仔〔我都遇過佢三次，據店主曾講這位朋友仔往時不常來，我們好有緣啦！〕拎著袋子叫大大掏一粒，呀，原來佢一人送一粒 Azeztulite 呀。好笑係石頭不是在店裡買，哈哈。

派了石，也有教我們使用方法。我啦，暫未用石頭來作冥想，不過就跟指示試放在床頭或拳頭握實睡覺。這幾天呀，特別多夢，都有同一個人出場，算是好夢啦。

謝謝啊。